Manexo de matogueira con Cabalo de pura raza galega na Illa de Sálvora

  /  NATUREZA   /  Manexo de matogueira con Cabalo de pura raza galega na Illa de Sálvora

Manexo de matogueira con Cabalo de pura raza galega na Illa de Sálvora

Manexo de matogueira con Cabalo de pura raza galega na Illa de Sálvora

En Sálvora podes observar ao Cabalo de pura raza Galega, teñen unha alzada á cruz de entre 120 e 140 cm.
A cabeza, de fronte ancha e plana con abundante tupé, ollos expresivos e beizos grosos con bigote está asociada a un abdome redondeado e peito con profundidade, os cascos son pequenos e fortes. As extremidades son finas, curtas e fortes. Os cabos, é dicir, crin e cola están moi poboados, cunha melena solta de pelos fortes e grosos. A capa debe de ser obrigatoriamente castaña ou negra e non son admitidos como cabalos desta raza todos aqueles que teñan outras cores diferentes e considéranse defectos marcas brancas ou doutras cores na fronte ou nas patas. En xeral, o seu aspecto físico defínelle como un cabalo forte, robusto e pequeno, adaptado ás montañas do Macizo Galaico e a zonas con climas duros como a Illa de Sálvora.
Nesta Illa axúdanos a manexar a matogueira e a manter o Cabalo de pura raza galega en liberdade, controlado e a realizar unha xestión correcta do medio.
Moitas grazas a todas as persoas que colaboraron nesta actuación e que aos poucos podreis ver os bos resultados.
O cambio de cabalos débese ao alto grao de endogamia (reprodución entre individuos de ascendencia común; é dicir, dunha mesma familia, liñaxe ou grupo), e nestes momentos están a gozar dun merecido descanso , agora atópanse fortes, sans e poderánse reproducir con outros individuos pertencentes a outras familias.
O proceso de retirada destes cabalos foi duro pero mereceu a pena. Recomendámosvos que visitedes Sálvora, con prismáticos e cámara de fotos e poderedes gozar dunha illa sen igual.
O Parque Nacional das Illas Atlánticas de Galicia espera a túa visita.

Podes ler tamén:

Gozando da liberdade en Sálvora

Os últimos de Sálvora

 

Fonte:

Parque Nacional marítimo-terrestre das Illas Atlánticas de Galicia

Imaxe destacada:

© Fernando Rey Daluz 

Share This