Artigos

Actividades para revelar o patrimonio cultural das Illas Atlánticas no Día Europeo dos Parques

O vindeiro xoves 24 de maio celébrase o Día Europeo dos Parques, que este ano ten por obxecto o patrimonio cultural presente tamén na nosa natureza.

Unha proposta do Parque Nacional das Illas Atlánticas de Galicia para coñecer un pouco máis o rico e singular patrimonio cultural das nosas illas. Así, celebraránse diferentes actividades no Centro de Visitantes do Parque en Vigo que mesmo inclúen un concurso. Un concurso para todo o público no que se participas e, tes sorte, poderás desfrutar coñececendo o singular patrimonio cultural que alberga a illa de Ons e mesmo visitar o seu faro.

Actividades no Centro de Visitantes

día europeo dos parques 2018Concurso

concurso dia parques

Parque Nacional das Illas Atlánticas 

Europarc

Imaxe destacada: © Santiago Boado Aguinaga

Ilustrando a ciencia. Curso de ilustración científica

Ilustrando a ciencia é un curso intensivo de ilustración científica, que se realizará no Museo do Mar de Galicia (Vigo) do 2 ao 6 de xullo de 2018. Esta é a cuarta edición do curso, do mesmo xeito que nas anteriores, Miquel Baidal, coordinador de Illustraciencia, e Clara Cerviño, bióloga e ilustradora científica, compartirán as súas experiencias e axudaranche a sintetizar imaxes e a usar técnicas de debuxo para realizar as túas propias ilustracións científicas.

É un curso deseñado para aqueles interesados no mundo da ilustración científica e durante o cal se proporcionarán as ferramentas necesarias para a creación de ilustracións. O curso esta centrado no debuxo de peixes e cada participante traballará cunha especie, aplicando as diferentes técnicas en función das partes da mesma (grafito, tinta e acuarela). Entre todos crearase unha publicación dixital na que aparezan os traballos.

Traballarase na aula utilizando diferentes fontes de documentación e referencias. Ao ser un curso intensivo recoméndase que os participantes dispoñan de tempo libre polas tardes para terminar os exercicios. Cada alumno disporá dun dossier con toda a información do curso: explicacións teóricas, exercicios e bibliografía. Ademais terá acceso á plataforma en liña Google Classroom. Nesta ligazón pódense ler as reseñas dos nosos cursos.

Para finalizar o curso organizarase unha mesa redonda sobre ilustración científica.

Programa
Formulario preinscrición

Matrícula: 350 €
Prazas: 20

Contacto
Clara Cerviño 607 514 247 –  Miquel Baidal 687 970 004
cursos@illustraciencia.info

ilustrando ciencia 2

Espectáculo nas illas Cíes mergullando con Pedro Alonso

Viñamos de facelo na enseada de Bastián de Val na illa de Ons. Agora mergullámonos de novo aínda que en augas do arquipélago das illas Cíes, tamén con Pedro Alonso

A través destas imaxes xa estamos inmersos baixo o mar, nunha aventura que supón observar e desfrutar deste valioso e importantísimo ecosistema mariño. Contemplamos como van xurdindo, aflorando e emerxendo, entre estes fondos de area, cascallo e rochas, espléndidas imaxes de vida. No fondo rochoso, destaca moitas das veces a colonización por algas, xa ben ramallos de mar, leitugas de mar e mesmo animais mariños como os ramos de mar. Atopámonos hoxe no arquipélago das illas Cíes que xunto a Ons, Sálvora e Cortegada forman parte do Parque Nacional Marítimo Terrestre das Illas Atlánticas de Galicia

Deste xeito, neste ecosistema mariño atopapámonos cunha importante cantidade de hábitats onde xurden estes distintos grupos de animais mariños. Xa ben sexan peixes, moluscos, poliquetos, cnidarios ou equinodermos.

Así, distinguimos neste audiovisual de Pedro Alonso, entre outras moitas especies, fanecas, chaparelas, pintos, maragotas, doncelas, lorcho de cabeza negra, peixe pipa e babosas de mar. Tamén estrelas, anémonas, lebres de mar, polbos, chocos, espirógrafos, ascidias, estrugas, carallos de mar, ourizos e mesmo ofiuras.

Todas elas conforman un conxunto, unha relación, unha orde, un equilibro necesario que compre respectar para conservar esta riqueza en forma de cantidade e calidade de vida. Un conxunto que representa excelentes indicadores de valores da biodiversidade que albergan estes fondos mariños do Parque Nacional Marítimo Terrestre das Illas Atlánticas de Galicia.

Polo tanto, todos os seres vivos que conforman este conxunto tan biodiverso, atopan aquí as condicións ideais de vida para se refuxiar e alimentar. Así acontece nas augas do Parque Nacional Marítimo Terrestre das Illas Atlánticas de Galicia. Nesta ocasión mostramos unha entrada das illas Cíes.

  • Destaca sobre maneira neste audiovisual o intento fallido da captura dun peixe por parte dun polbo (Octopus vulgaris), entre os minutos 05:30 e 05:36 desta excepcional gravación do mergullador galego Pedro Alonso

Son imaxes todas que parten dunha outra de tantas inmersións de Pedro Alonso, que sempre nos aportan riqueza, e dan boa conta da biodiversidade de valores e importancia que alberga o medio mariño no Parque Nacional Marítimo Terrestre das Illas Atlánticas de Galicia.

Aquí, representa o 86% da súa superficie total. O 16% restante  correspóndese coas propias illas emerxidas e coicide coa superficie terrestre dos arquipélagos das illas Cíes, Ons, Sálvora e Cortegada.

Xunto ao o Parque Nacional Marítimo Terrestre do Arquipélago de Cabrera en Baleares, no mar Mediterráneo, son os dous únicos parques nacionais existentes con esta singularidade. Referímonos ao feito de ter a maior parte da súa superficie cunha condición marítima.

Red de Parques Nacionales está conformada por un total de 15 espazos naturais que contan con esa categoría de protección no conxunto do estado.

Uns fondos mariños cheos de vida que compre respectar e protexer. Aínda así, aquí faena de xeito regular a pesca e o marisqueo profesional e tradicional de carácter artesanal. Unha frota de baixura das localidades costeiras próximas que atopa nas augas do Parque Nacional e seu entorno un dos seus principais recursos e caladoiros.

Así todo, manter este equilibro non é doado nin está garantido, malia ser imprescindible para a conservación destes ecosistemas mariños. Compre apostar polo desenvolvemento sustentable “real” para asegurarmos un futuro mellor para o sector pesqueiro e marisqueiro e polo tanto para a sociedade en xeral.

Este audiovisual foi gravado en augas da do arquipélago das illas Cíes por Pedro Alonso e publicado o 18 de xuño de 2016 na súa canle de Youtube.

Audiovisual: © Pedro Alonso

Imaxe destacada: captura de pantalla audiovisual de Pedro Alonso

Proxecto Hippoparques. Resultados da campaña de 2017

Identificación e caracterización de poboacións e hábitats de cabaliños de mar e outros Singnátidos

Resultados da campaña de 2017

A partir dos transectos estudados en 2016 seleccionamos tres zonas de interese para os peixes da familia Syngnathidae do arquipélago das Illas Cíes. Estas son as zonas, que denominamos A (San Martiño), B (Punta de CarracidoIllote de Viños) e C (O Borrón) e que seguimos estacionalmente en 2017:

proxecto hippocampus 1

A selección baseouse na presenza e características dos signátidos e do seu hábitat, especialmente no referente a comunidades vexetais. No referente a estas, a caracterización de cada zona é a seguinte:

proxecto hippocampus 2

Os resultados de avistamentos de signátidos en 2017 son os seguintes:

proxecto hippocampus 3

Como puidéchedes comprobar, apareceu unha nova especie para a zona. Trátase do fermoso peixe pipa Entelurus aequoreus.

Imaxe destacada: © M. E. García Blanco

 

Aberto prazo de inscrición cursos formativos turismo mariñeiro no Parque Nacional

Xa está aberto o prazo de inscrición para participar nos cursos formativos que se celebrarán en cada territorio dos GALP que cooperan no presente proxecto.  Lembrade que soamente hai 20 prazas en cada curso e que se atenderá aos demandantes por estrita orde de inscrición

Con esta formación os participantes obterán a ACREDITACIÓN como Guías de Turismo Mariñeiro do Parque Nacional Marítimo Terrestre das Illas Atlánticas de Galicia , que lles habititará para poder exercer esta actividade dentro das augas do Parque Nacional.  Ao través destas accións formativas preténdese capacitar aos participantes para exercer a actividade de turismo mariñeiro, de xeito que sexan quen de manexar as ferramentas interpretativas precisas que axuden a divulgar con rigor os valores do Parque Nacional, do patrimonio marítimo pesqueiro e da cultura mariñeira.

INSCRICIÓNS CURSO: Iniciación ao Turismo mariñeiro no entorno do Parque Nacional Marítimo Terrestre das Illas Atlánticas de Galicia.

Curso GALP Ría de Vigo- A Guarda: 22 ao 25 maio. (25 xornada práctica, visita Illas Cíes).

https://goo.gl/b3w2jE

Se o preferides podedes cumplimentar o documento pdf que presentamos a continuación e envialo a info@mardasillas.com

ficha_inscricion_CURSO_GALP_RIADEVIGO_AGUARDA

Curso GALP Ría de Pontevedra: 5 ao 8 xuño (8 xornada práctica, visita Illa de Ons)

https://goo.gl/1UYWAC

Se o preferides podedes cumplimentar o documento pdf que presentamos a continuación e envialo a info@mardasillas.com

ficha_inscricion_CURSO_GALP_RIADEPONTEVEDRA

Curso GALP Ría de Arousa: 12 ao 15 xuño (15 xornada práctica, visita Illa de Sálvora ou Cortegada).

https://goo.gl/QBTsyM

Se o preferides podedes cumplimentar o documento pdf que presentamos a continuación e envialo a info@mardasillas.com

ficha_inscricion_CURSO_GALP_RIADEAROUSA